Një person i maskuar dhe i armatosur ka grabitur mëngjesin e së hënës një filial të Raiffeisen Bank në zonën e Komunës së Parisit në Tiranë. Policia ka rrethuar zonën dhe ka nisur veprimet për kapjen e autorit.
Sipas informacioneve paraprake, i dyshuari hyri në ambientet e bankës dhe i kërcënoi punonjësit me armë zjarri. Pasi mori një shumë parash, ai u largua në drejtim të paditur.
Pas ngjarjes u publikuan pamje nga vendi, ku duken forcat e Policisë përreth filialit bankar. Aty janë kryer veprimet e para hetimore.
Po sipas informacioneve paraprake, policia ka arritur të identifikojë personin e dyshuar dhe po punon për lokalizimin dhe arrestimin e tij.
Deri tani nuk ka njoftim zyrtar për shumën e marrë, ndërsa mbetet e paqartë nëse ka pasur të lënduar gjatë incidentit. Hetimet vijojnë për të dokumentuar plotësisht ngjarjen dhe për të sqaruar rrethanat e grabitjes.