Kryeministri Edi Rama ka komentuar me ironi protestën para zyrës së tij, duke ndarë në grupin e WhatsApp-it pamje nga Bulevardi, ku në orët e pasdites duken pak njerëz.
Mesazhi i bashkëngjitur me pamjet thotë: “Shiu i Halloween. Ai momenti kur përsërit të njëjtën gjë dhe pret një rezultat të ndryshëm”. Me këtë shprehje Rama e lidh protestën me ditën e Halloween.
Protesta e së shtunës
Protesta është thirrur nga Partia Demokratike. Paralelisht me të, studentët u grumbulluan që në orët e paradites.
Fillimisht ata u mblodhën te Ministria e Arsimit dhe më pas marshuan drejt Kryeministrisë.